Sábháilteacht i gcás drochaimsire
Uaireanta bíonn drochaimsir ina cúis le línte cumhachta damáistithe, sreanga beo leagtha, dóiteáin agus gearrthacha cumhachta. Gheobhaidh custaiméirí comhairle thábhachtach agus sonraí teagmhála ar an leathanach seo.
Fanacht i dteagmháil le linn stoirmeacha
Tar éis drochaimsire, oibríonn ár bhfoirne leis an leictreachas a thabhairt ar ais chuig na ceantair atá buailte chomh luath agus is féidir ach an méid sin a dhéanamh go slán sábháilte. Má bhíonn an aimsir an-dona go deo, seans ann nach dtosófar ar a leithéid d'obair ar an bpointe. Is cuma cén chaoi a mbeidh an aimsir, déanfaimid ár seacht ndícheall an oiread faisnéise agus is féidir a thabhairt duit, lena n-áirítear cén uair a mheasaimid a thiocfaidh do sheirbhís leictreachais ar ais.
Gearrthacha de dheasca Drochaimsire
Leideanna Sábháilteachta maidir le Stoirmeacha
- Bailigh le chéile tóirsí, cadhnraí breise agus fón póca.
- Bíodh ár n-uimhir theileafóin éigeandála, 1800 372 999, ar eolas agat.
- Bíodh do MPRN (ar do bhille) réidh agat freisin le go mbeimid in ann a dhéanamh amach cén líonra go baileach a bhfuil tú air.
- Cuir d'ainm leis an gClár Leighis má tá deacrachtaí siúil agat nó má úsáideann tú trealamh leictreach leighis sa bhaile.
- Múch gach fearas SEACHAS an cuisneoir agus an reoiteoir.
- Más custaiméir leochaileach thú, nó má tá tú ag tabhairt aire d'aon chustaiméir leochaileach, cuir an méid sin in iúl do do sholáthraí leictreachais le tacaíocht bhreise a fháil.
Gineadóir Cúltaca a Úsáid
Labhair le do chonraitheoir cláraithe leictreachais faoi na rialacha speisialta a bhaineann le gineadóirí cúltaca a shuiteáil.
Cumhacht a chailleadh le linn stoirme
Breathnaigh ar ár bhfíseán seo lena fháil amach céard ba cheart duit a dhéanamh má chailleann tú cumhacht le linn stoirme agus cén chaoi teagmháil a dhéanamh linn i gcás éigeandála.
