An fhaisnéis tosaigh a thabhairt

An chéad chéim atá ann ná gur chóir don fhorbróir  teagmháil a dhéanamh linn agus breac-chuntas a thabhairt ar an bhforbairt atá beartaithe agus ar na riachtanais leictreachais lena mbaineann.

Meastachán agus Litir an Chomhaontaithe a fháil 

Nuair a bheidh athbhreithniú déanta againn ar riachtanais na forbraíochta agus cinneadh déanta againn go mbeidh fostáisiún nua 110kV nó 38kV de dhíth chun freastal ar an lód beartaithe, déanfaimid Litir an Chomhaontaithe agus meastachán a eisiúint chun an fhorbróra bunaithe ar an obair a bheidh ag teastáil le dearadh iomlán mionsonraithe a chur ar fáil.

Glacadh le téarmaí na tairisceana

Más mian leis an bhforbróir glacadh leis na téarmaí i Litir an Chomhaontaithe maidir le obair an deartha, seo mar is féidir é sin a dhéanamh:

• ‘Banna don Dearadh’ a fháil, arna fhorghníomhú ag institiúid airgeadais chuí agus an banna forghníomhaithe a chur ar ais chuig ESB Networks.
• An fhoirm ‘Foirm chun Glacadh leis an Tairiscint’ a shíniú agus a chur ar ais le haghaidh obair an deartha.
• Caithfidh ESB Networks na doiciméid sin a fháil taobh istigh de thrí mhí ó dháta eisithe na litreach.

Litir Chomhaontaithe a eisiúint i dtaobh na hoibre tógála

Nuair a bheidh an dearadh curtha i gcrích agus láithreán an fhostáisiúin ardvoltais aistrithe chuig ESB Networks, déanfaimid Litir Chomhaontaithe a eisiúint i leith na n-oibreacha a bheidh ag teastáil leis an lód a nascadh.

Glacadh leis na téarmaí sa Litir Chomhaontaithe i dtaobh na hoibre tógála

Más mian leis an bhforbróir glacadh leis na téarmaí i Litir an Chomhaontaithe maidir le obair na tógála, seo mar is féidir é sin a dhéanamh:

• Aon mhuirear ranníocaíochta caipitil a bhaineann le ceann ar bith acu seo a íoc: 
• I gcásanna nach féidir glacadh leis an réiteach is lú costas a bheadh inghlactha go teicniúil, beidh ar an bhforbróir íoc as aon chostais bhreise eile.
• Má dhéantar iarratas an fostáisiún a chur i suíomh nach é an suíomh is fearr é, gearrfar na costais bhreise sin a bheidh i gceist chun an fostáisiún a chur ansin.
• An ‘Banna don Dearadh’ á fhorghníomhú ag institiúid airgeadais chuí agus an banna forghníomhaithe a chur ar ais chuig ESB Networks.
• An fhoirm chun Glacadh leis an Tairiscint i leith na n-oibreacha tógála a shíniú agus a chur ar ais. 

Nuair a fhaigheann ESB an Banna Acmhainne 

Cuirtear tús le céim na tógála nuair a fhaighimid an Banna Acmhainne forghníomhaithe agus, chomh maith, nuair a fhaighimid deimhniú chomh maith ónár n-aturnaetha go bhfuil aistriú theideal an láithreáin fostáisiúin curtha i gcrích.

An Banna don Dearadh a scaoileadh

Nuair a chuirtear tús le céim na tógála, insíonn ESB Networks don institiúid airgeadais an Banna don Dearadh a scaoileadh do chéim an deartha. Leis sin a dhéanamh, déantar Deimhniú Deartha a eisiúint. Cuirtear in iúl leis an Deimhniú Deartha go bhfuil céim an deartha curtha i gcrích agus go bhfuil tús curtha le Céim na Tógála agus tugtar údarás an Banna Deartha a scaoileadh.

Scaoileadh an Bhanna Acmhainne

Tugann ESB Networks údarás don institiúid airgeadais eisiúna an Banna Acmhainne a scaoileadh i gcás go bhfuil:

an acmhainn spárálach a bhí ann cheana ar an líonra meánvoltais sa Pháirc Ghnó (mar a luadh i Litir an Chomhaontaithe agus sa Bhanna Acmhainne) nó 30% den íosacmhainn ón stáisiún ardvoltais iomchuí, cibé acu is mó, conraithe ag Comhaontuithe Nasctha síniú agus i gcás go bhfuil na custaiméirí nua nasctha le tréimhse nach lú ná sé mhí.

Eisítear Deimhniú Acmhainne chuig an institiúid airgeadais chun scaoileadh an bhanna a údarú.