Bí i do Phrintíseach le ESB Networks

Is gearr go mbeimid ag fógairt na sonraí faoi Chlár Printíseachta ESB Networks, 2023. Ní mór duit 16 bliana a bheith slánaithe agat ar an 1 Meitheamh 2023 le cur isteach air. 

Más mian leat tuilleadh eolais a fháil faoi céard go díreach atá i gceist leis an gclár, cén chaoi cur isteach air, agus cibé an é an rud ceart duitse é, ná bíodh aon drogall ort r-phost a sheoladh chugainn ag apprentices@esb.ie.

Is féidir le haon duine a raibh 16 bliana slánaithe aige nó aici ar an 1 Meitheamh 2023 cur isteach ar Phrintíseacht le ESB Networks. Ciallaíonn sé sin go gcaithfidh sé gur rugadh roimh an 1 Meitheamh 2007 thú.

Ar chuntar go bhfuil an aois íosta slánaithe agat, is féidir leat iarratas a dhéanamh ar ár gClár Printíseachta le do Theastas Sóisearach, d'Ardteistiméireacht nó d'Ardteistiméireacht Fheidhmeach. Le tuilleadh sonraí a fháil - nó i gcás go ndearna tú do scrúdaithe lasmuigh d'Éirinn - breathnaigh ar ár Lámhleabhar do Phrintísigh.

Lámhleabhar do Phrintísigh

Seiceáil d'iarratas go cúramach sula seolfaidh tú chugainn é toisc nach mbeimid in ann glacadh le haon athruithe tar éis a churtha isteach. Más féidir ar chor ar bith é, iarr ar dhuine eile athbhreithniú a dhéanamh ar d'iarratas lena chinntiú go bhfuil gach réimse comhlánaithe agus na sonraí i gceart.

Faighimid líon suntasach iarratas agus déanaimid athbhreithniú críochnúil ar gach ceann acu, rud a fhágann nach féidir linn a rá go baileach cathain a gheobhaidh tú scéala chun dáta maidir le d'iarratas.

Seiceáil do ríomhphost go rialta mar is chuig an seoladh ríomhphoist a thug tú dúinn a sheolfar gach cumarsáid maidir le d'iarratas.

Mar gheall ar líon ard na n-iarratasóirí, ní 13 Márta. Má tá fadhb agat a d'fhéadfadh moill a chur ar d'iarratas, déan teagmháil chomh luath agus is féidir leis an líne ar leith atá curtha ar bun againn le plé le printíseachtaí ar 1890 39 39 39, é sin nó cuir r-phost chuig apprentices@esb.ie. Nuair a bheidh an spriocdháta thart, ní bheimid in ann aon chúnamh a chur ar fáil.

Iarraimid ar gach iarrthóir a n-éiríonn leis nó léi dul faoi scrúdú leighis coirp iomláin, tástáil súl san áireamh, lena s(h)láinte fhisiciúil a mheas. Is ball deimhnithe d'fhoireann Ionad Sláinte ESB a dhéanfaidh an scrúdú sin.

Ní mór d'iarratasóirí dul faoi mheasúnú ar líne a mhairfidh uair an chloig. Ní mór é seo a dhéanamh tráth nach déanaí ná cúig lá tar éis an r-phost maidir leis an tástáil a fháil. Mura mbraitear aon ghníomhaíocht ar feadh cúig nóiméad, scoirfear den mheasúnú go huathoibríoch agus ní fhéadfar é a chur i gcrích. Mar sin, déan cinnte de go bhfuil nasc láidir Wi-Fi agat agus go bhfuil tú in áit chiúin a mbeidh tú in ann dul i gceann na hoibre.

Má bhíonn aon cheist eile agat, nó má bhíonn soiléiriú ag teastáil uait maidir le haon rud atá clúdaithe sa Lámhleabhar do Phrintísigh, ná bíodh aon drogall ort r-phost a chur chugainn ag apprentices@esb.ie agus freagróidh duine dár bhfoireann duit go tapa.

Lámhleabhar do Phrintísigh

Más mian leat go gcoinneoimis ar an eolas thú faoi na dátaí earcaíochta le haghaidh Chlár Printíseachta ESB Networks, 2022 , cuir isteach do chuid sonraí ANSEO.

Mar Phrintíseach Leictreora/Teicneora Líonra do ESB Networks, is féidir leat a bheith ag súil le:

• Oiliúint den chéad scoth, pá iomaíoch agus buntáistí iontacha
• Lascaine ar leictreachas do bhaill foirne
• Ballraíocht in eagraíocht neamhbhrabúis ESB Ciste Coigiltis Leighis

Tá do shábháilteacht, do shláinte agus d'fholláine mar Phrintíseach tábhachtach dúinn agus ní éireoidh leat gan iad.

Cuirimid timpeallacht oibre éagsúil, chuimsitheach ar fáil, a fhágann gur féidir cothromaíocht shláintiúil a bhaint amach idir an obair agus an saol. Beidh fáil agat am ar bith ar thacaíocht rúnda duine le duine ó chomhghleacaí oilte faoinár gClár Cúnaimh d'Fhostaithe chomh maith.

Cuirimid na nithe seo a leanas ar fáil, leis

• Scagthástáil Leighis
• Vacsaíní in aghaidh an Fhliú
• Comhairle Phearsanta

Gheobhaidh tú neart deiseanna le scileanna nua a fhorbairt agus cur le do ghrúpa cairde:

• Páirt a ghlacadh ar bhonn deonach sa scéim dár gcuid darb ainm 'Time to Read', atá dírithe ar scoileanna áitiúla
• Páirt a ghlacadh inár gcarthanas féin - Electric Aid
• Ballraíocht a ghlacadh i gceann dár gclubanna agus cumainn, i.e. Sportsco, club reathaíochta, club taidh tsí, clubanna teanga
• Dul san iomaíocht in imeachtaí traschomhlachta, ar nós an ESB Power Challenge