Gníomhú ar son na hAeráide agus Inbhuanaitheacht
Tá ESB Networks ag tabhairt ceannasaíochta san aistriú i dtreo saol ísealcharbóin a bheidh iontaofa inacmhainne. Saol é sin a bheidh á chumhachtú ag leictreachas glan inbhuanaithe.
Anseo in ESB Networks, beimid ag feidhmiú i gcónaí inár ngnóthaí ar bhealach ar féidir linn a bheith bródúil as ár bhfeidhmíocht i leith an chomhshaoil agus cúrsaí inbhuanaitheachta.
Tuarascáil Feidhmíochta Comhshaoil ESB Networks - 2020
Fáilte go Tuarascáil Feidhmíochta Comhshaoil ESB Networks, 2020. Sa tuarascáil seo cuirfidh tú eolas ar na gnéithe dár ngnó a bhaineann le cúrsaí comhshaoil agus inbhuanaitheachta. Tá súil againn go mbeidh an t-eolas sin áisiúil duit
Download Pdf | 2MB 2020
Ár gCur Chuige i leith na hAthchúrsála agus na Dramhaíola
Tá ESB Networks an-dáiríre faoi shaincheist na bainistíochta dramhaíola agus tá na croíphrionsabail seo a leanas mar bhonn faoinár gcur chuige i leith na saincheiste seo:
- Tá sé mar aidhm againn táirgeadh gach cineáil dramhaíola a íoslaghdú agus saincheisteanna diúscartha dramhaíola a chur sa mheá agus ábhar agus trealamh á gceannach againn.
- Déanaimid iarracht i gcónaí deiseanna a aithint le dramhaíl a athchúrsáil agus is aidhm linn i gcónaí cur le húsáid ábhar in-athchúrsáilte.
- Déanaimid gach dramhaíl iarmharach a dhiúscairt ar bhealach sábháilte, freagrach. Ní úsáidimid ach comhlachtaí bainistíochta dramhaíola atá ceadaithe agus ceadúnaithe go cuí.
Is féidir teacht ar a thuilleadh eolais faoi chur chuige ESB Networks maidir le hathchúrsáil agus dramhaíl sa Tuarascáil Bhliantúil Chomhshaoil is déanaí.
