Má tá do theach dínasctha le breis agus 2 bhliain, déan iarratas ar líne.
I gcomhréir leis na treoirlínte ó FSS agus na srianta rialtais atá curtha i bhfeidhm le déanaí, níl ESB Networks ag glacadh le hiarratais ach trínár n-ardán ar líne go dtí
go bhfógrófar a mhalairt. Aon chustaiméirí nach féidir leo rochtain a fháil ar ár n-ardán ar líne, ba chóir dóibh ríomhphost a sheoladh chuig newconnectionswilton@esb.ie le cúnamh a fháil.
D'fhéadfadh sé go mbeadh orainn cuairt a thabhairt ar an suíomh leis an gcás a mheas. Mura mbeidh aon obair bhreise de dhíth leis an bpointe nasctha a thabhairt chun na gcaighdeán reatha, féadfar
an teach a athnascadh a luaithe a bheidh an táille athfhuinnmhithe íoctha. Mar sin féin, mura mbeidh an pointe nasctha ag teacht leis na caighdeáin reatha, caitear leis amhail is dá mba nasc nua é agus gearrfar
an táille chuí as nasc nua. Eiseofar meastachán duit ansin de bharr go mbeidh táille le híoc sula bhféadfar an teach a athnascadh. D'fhéadfadh sé go mbeadh ort duchtú a chur ar fáil ar an láithreán chomh maith (PDF | 1 MB).
A luaithe a bheidh do MPRN (Uimhir Thagartha Mhéadarphointe) agat, ba chóir duit clárú le do rogha soláthraí leictreachais. Tá liosta de na soláthraithe le fáil ar www.cru.ie.
Chomh luath agus a bheidh an tseirbhís agus an méadar suiteáilte ag ESB Networks, iarr ar do chonraitheoir leictreachais an leictreachas a dhéanamh beo ag an lasc aonraithe.
