Más mian leat gineadóir neamh-easpórtála (MEC = 0) a nascadh leis an líonra leictreachais, bí cinnte an doiciméad seo a léamh agus a thuiscint:

Na coinníollacha lena rialaítear naisc leis an gcóras dáileacháin| Íoslódáil PDF | 1,224 KB

Tabhair faoi deara: Déanfar an fhoirm iarratais tosaigh agus na doiciméid a ghabhann léi a sheiceáil chun a n-iomláine, cruinneas agus comhlíonadh a fhíorú; eiseofar sonrasc ansin le haghaidh an táille iarratais ábhartha. Ní mheastar an t-iarratas críochnaithe go dtí go n-íoctar an táille iarratais ghaolmhar.
 
Bunaithe ar na sonraí a chuirtear ar fáil san iarratas, agus i bhfianaise an tseans go n-imreoidh suiteálacha tionchar ar an gcóras dáileacháin, beidh ar ESB Networks measúnú teicniúil iomlán a dhéanamh ar nascphointe sula n-eiseofar tairiscint naisc d’fhonn a áirithiú nach sáraítear an acmhainn nasctha; go gcoinneofar sábháilteacht, cobhsaíocht agus iontaofacht na heangaí; agus chun a fháil amach cén cineál oibreacha uasghrádaithe, más ann, a bheidh ag bheidh le déanamh ar an gcóras chun an nasc a éascú. Mar thoradh ar an ardéileamh atá ann faoi láthair, bíonn tréimhse idir 8 agus 10 seachtain ar an meán ó dháta íoctha an táille iarratais i gceist chun na doiciméid tairisceana a eisiúint. I gcás líon beag iarratas casta, seans go dtógfaidh an chéim seo beagán níos faide.
 
Chun sábháilteacht, cobhsaíocht agus iontaofacht leanúnach na heangaí a áirithiú, ní mheasfar go bhfuil aon tairiscint ná comhaontú maidir le nascadh tar éis teacht i bhfeidhm go dtí go mbeidh an measúnú teicniúil riachtanach déanta ag ESB Networks. Níor cheart tabhairt faoi ghníomh ar bith chun an trealamh giniúna sonraithe a nascadh mura gcuirtear, agus go dtí go gcuirfear, mionsonraí na tairisceana naisc in iúl duit agus go nglacfar leo.

Íoslódáil an fhoirm iarratais nuashonraithe (Meitheamh 2022) don Mhionghiniúint (NC7) ar an nasc thíos nó cuir glao ar 1800 372 757 le cóip a iarraidh. Ba cheart an fhoirm seo a úsáid le haghaidh gach iarratas nua. Glacfar leis an leagan roimhe seo d’fhoirm NC7 go dtí an 31/07/2022 chomh maith.

Foirm Iarratais NC7 | Íoslódáil PDF | 97 KB

Cuir an fhoirm chomhlánaithe chomh maith leis na doiciméid atá le gabháil léi a thugtar seo thíos chuig dsominigeneration@esb.ie:

• Blocléaráid (nó léaráid aonlíneach má bhíonn a leithéid ar fáil). Is gá blocléaráid (nó léaráid aonlíneach) a chur le gach foirm iarratais NC7 le cumraíocht deiridh an chórais giniúna atá beartaithe a shoiléiriú. Ba cheart imlíne dheiridh an chórais a bheith léirithe ann, mar aon le haon ghiniúint atá cheana ann (Micrighiniúint san áireamh), lena n-áirítear gach inbhéartóir, an ghiniúint taobh thiar den inbhéartóir agus aon fheistí stórála atá nasctha leis an inbhéartóir;

• Deimhnithe Tástála Cineáil an déantóra; Tugtar le fios ar Dheimhniú Tástála Cineáil go ndearnadh gach déanamh/cineál Mionghineadóra a thástáil i saotharlann tástála chreidiúnaithe agus go ndéanann siad go léir caighdeán EN 50549-1 a chomhlíonadh. Tugtar ar an deimhniú an fhaisnéis is lú atá riachtanach chun an córas sábháilte is fearr a chumrú; féach leathanach 8 de doiciméad Na coinníollacha a rialaíonn nascadh agus oibriú na micrighiniúnaanseo;

• Foirm dhearbhúcháin an táirge do Scéim an déantóra chun Easpórtáil a Theorannú le haghaidh ESB Networks (más bainteach), féach an teimpléad anseo;;

• Litir Údaráis (más bainteach); Litir Údaráis arna síniú ag úinéir an MPRN lena dtugtar údarás do thríú páirtí gníomhú ar a shon maidir le gach ní a bhaineann leis an iarratas chun Mionghiniúint a nascadh. Tá téacs samplach ar fáil ag bun na treorach céim ar chéim ar an leathanach gréasáin seo. Seol ríomhphost chuig dsominigeneration@esb.ie más mian leat teimpléad Microsoft Word a fháil.

Rogha eile atá agat ná gur féidir do chuid doiciméad a chur sa phost chuig:

ESB Networks CGA
Mionghiniúint NC7
Naisc Nua
Bóthar an tSáirséalaigh
Wilton
Co.Chorcaí
T12 E367

Déantar an t-iarratas a athbhreithniú ar bhonn tráchtála. A luaithe a mheastar é a bheith cur i gcrích ó thaobh na tráchtála de, gheobhaidh tú ríomhphost ina gcuirfear uimhir an tsonraisc in iúl duit, chomh maith leis na roghanna íocaíochta éagsúla atá ar fáil. Eiseofar sonrasc CBL don táille iarratais neamh-inaisíoctha, is é sin €977.85 (CBL ar 23% san áireamh) taobh istigh de 10 lá gnó.

Féach anseo, áit a dtugtar sonraí faoin gcaoi leis an sonrasc a íoc. Cuir nóta chuig dsominigeneration@esb.ie nuair a bheidh an táille íoctha. Má tharlaíonn nach bhfaighfear an íocaíocht sula mbíonn an 30 lá istigh, de réir théarmaí na híocaíochta, glacfar leis nach mbeidh tú ag leanúint ar aghaidh leis an iarratas agus beidh ort iarratas eile a dhéanamh. Déanfar iarratais a phróiseáil de réir mar a thiocfaidh siad isteach.

Nuair a gheofar an táille don iarratas, eiseofar an t-iarratas le go ndéanfar athbhreithniú teicniúil air. Úsáidfear na sonraí ar fhoirm iarratais NC7 le tairiscint nasctha a eisiúint i leith na suiteála Mionghiniúna. 

Tabhair do d’aire:

I gcás naisc don Mhionghiniúint, ní cheadaítear don Uasacmhainn Easpórtála (MEC) a bheith níos airde ná an Uasacmhainn Iompórtála (MIC).

An sainmhíniú atá ar an Uasacmhainn Easpórtála (MEC) ná an chumhacht uasta in kVA atá ceadaithe ag ESB Networks lena haistriú ó nascphointe an chustaiméara chuig Líonra an Oibreora Córais Dáileacháin.

Más mian leat glacadh leis an tairiscint nasctha don Mhionghiniúint, beidh ort an comhaontú nasctha a shíniú agus a sheoladh ar ais chuig an seoladh thíos agus, nuair is bainteach, an ranníoc caipitiúil a ghabhann leis a íoc.

ESB Networks CGA

Mionghiniúint NC7

Naisc Nua

Bóthar an tSáirséalaigh

Wilton

Co.Chorcaí

T12 E367

Ná suiteáil Mionghiniúint ach amháin má tá an Comhaontú Nasctha lena mbaineann sínithe agus curtha ar ais agat. Ní rachfar ar aghaidh le haon oibreacha go dtí go mbeidh na coinníollacha i gComhaontú an Nasctha comhlíonta agus aon obair thógála atá le déanamh ag ESB Networks curtha i gcrích. 

Tar éis a shuiteála don Mhionghineadóir, caithfidh an custaiméir an deimhniú comhlánaithe go bhfuil an Mhionghiniúint suiteáilte a chur ar fáil, atá ar fáil lena íoslódáil anseo. Ba chóir an Deimhniú Dearbhaithe seo a chur isteach laistigh de thréimhse sé mhí ón dáta a nglactar leis an Tairiscint Nasctha.

Ina theannta sin, má tá Scéim chun Easpórtáil a Theorannú (ELS) á suiteáil, caithfidh an custaiméir Foirm Thástála chomhlánaithe don scéim a chur ar fáil. Tá an fhoirm sin ar fáil lena híoslódáil anseo. 

Ní dhéanfar an MEC comhfhreagrach a nuashonrú agus a chur in iúl don soláthraí leictreachais agat nuair a gheobhaidh ESB Networks an deimhniú go bhfuil an Mhionghiniúint suiteáilte.

Ceann litreach nó lógó an chustaiméara

Ainm an chustaiméara

Ainm chuideachta an chustaiméara (más bainteach)

Seoladh comhfhreagrais Líne 1

Seoladh Líne 2

Contae

Éirchód

MPRN XXX XXX XXX XX

Chuig: ESB Networks CGA

Dáta: XX/XX/2022

Maidir le: Údarú le haghaidh Ainm an Chomhairleora as Ainm Chuideachta an Chomhairleora/an tSuiteálaí chun gníomhú ar mo shon

Litir údaráis

Don té lena mbaineann

Mar shealbhóir an chuntais don MPRN XXX XXX XXX XX, tugaim údarás do Ainm an Chomhairleora óAinm Chuideachta an Chomhairleora/an tSuiteálaí gníomhú ar mo shon maidir le gach ní a bhaineann leis an iarratas chun Mionghiniúint a nascadh ag Seoladh Láithreáin Líne 1, Seoladh Líne 2, Contae, Éirchód.

Mar chuid de seo, tá an t-údarás chun foirm iarratais NC7 a chomhlánú, a shíniú agus a chur isteach, aon sonraisc bhainteacha a íoc agus gníomhú mar theagmhálaí maidir le haon cheisteanna i dtaca leis an iarratas.

Sínithe:

XXX

Ainm: Ainm an Chustaiméara

R-phost: Seoladh ríomhphoist an chustaiméara