Faigh léarscáil ón tSuirbhéireacht Ordanáis (scála 1:2500-1:10560), ar a léirítear suíomh na forbraíochta nua. Úsáid peann dearg le suíomh an nasctha a mharcáil go cruinn. Beidh plean láithreáin de dhíth ort fosta (1:100-1:500) ar a léireofar d’fhorbraíocht nua. Ba chóir go mbeadh an tógálaí nó an t-ailtire in ann an dá rud sin a thabhairt duit.

Glactar le fótachóipeanna. Beidh litir ón Údarás Áitiúil de dhíth ort fosta le hainm deiridh na forbraíochta a dheimhniú.

Tabhair do d'aire:Má tú chun foirm iarratais i bhformáid PDF a úsáid seachas iarratas a dhéanamh ar líne, bheimis buíoch díot léarscáileanna a chur ar aghaidh san fhormáid cheart (mar atá sonraithe ar an bhfoirm iarratais) chuig developmentmaps@esb.ie.

Nuair a bheidh d’iarratas comhlánaithe faighte againn, déanfar do shonraí a chur isteach sa chóras atá againn. Cuirfimid sráidainmneacha na forbraíochta beartaithe lenár mbunachar sonraí seoltaí. Ansin, gheobhaidh tú admháil chomh maith le huimhir thagartha a bheidh tú in ann a úsáid má bhíonn aon cheisteanna agat amach anseo.

Seolfar do chuid cáipéisíochta chuig dearthóir i d’oifig áitiúil de chuid ESB Networks. Déan teagmháil linn. Eiseoidh an oifig seo meastachán agus Comhaontú Forbartha chugat. Féach liosta ó Ráiteas Táillí ESB Networks CGA (PDF | 629 KB).

Comhaontú Forbartha

Sa chomhaontú seo, clúdaítear na nithe seo a leanas:

• Téarmaí faoina gcuirfidh ESB Networks nasc leictreachais ar fáil do gach aonad.
• Achoimre ar na costais a bheidh i gceist.
• Doiciméid maidir le láithreán an fhostáisiúin a fháil (más gá).
• Sceideal Uimhreacha Tagartha Méadarphointe (MPRN) agus Uasacmhainn Iompórtála (MIC) le haghaidh gach aonaid.
• An grúpa Úsáide Dáileacháin Córais (DUoS) do gach MPRN. Tá an grúpa seo ar cheann de na gnéithe a úsáidtear chun na muirir as úsáid leanúnach an chórais a ríomh, na muirir a ghearrann ESB Networks ar Sholáthraithe Leictreachais don nasc sin.

Tabhair do d'aire: Ní féidir le ESB Networks meastachán a thabhairt ná forbraíochtaí a nascadh gan MPRN a thabhairt do gach aonad. 

Déan íocaíocht agus seol cóip shínithe den Chomhaontú Forbartha ar ais chuig:

Rannóg na gCuntas Infhála
ESB Networks CGA
Bóthar an tSáirséalaigh
SAORPHOST
Uimh. Cheadúnais. FCK 724
Wilton
Corcaigh
Éire

Scaoilfear an jab ansin lena údarú. Beimid in ann tosú ansin ar an infreastruchtúr leictreachais a thógáil.

Táille phionóis as athruithe déanacha

Má athraítear aon sonraí tar éis duit an Comhaontú Forbartha a shíniú, gearrfar táille bhreise mar gheall ar an athrú sin. Dá bhrí sin, ba cheart duit a chinntiú go bhfuil an fhaisnéis ar fad maidir le huimhreacha, seoltaí agus riachtanais lóid chomh cruinn agus is féidir.

Agus an obair ullmhúcháin curtha i gcrích ar chaighdeán sásúil, cuirfimid tús leis na cáblaí/línte leictreachais a shuiteáil chomh maith le haon trealamh riachtanach eile.


Tabhair faoi deara: an conraitheoir leictreach cláraithe a dhéanfaidh an sreangú leictreach i d’áitreabh a dheimhniú, caithfidh sé nó sí deimhniú sreangaithe a chur chuig a chomhlacht nó a comhlacht rialála agus an MPRN agus an seoladh atá agat a thabhairt sula mbeifear in ann an chumhacht a chur ar siúl.


Nuair a bheidh an obair curtha i gcrích ar an mbonneagar agus na riachtanais thuas go léir bainte amach, beifear in ann an chumhacht a chur ar siúl don nasc nua. Is é do chonraitheoir leictreachais féin a bheidh freagrach as an gcumhacht a chur ar siúl i d’áitreabh nua.


Bíonn an Comhaontú Forbartha mar bhonn faoina ndéantar gach aonad, agus an t-úinéir/áititheoir ann dá bharr, a nascadh leis an soláthar.

Agus úinéirí/áititheoirí ag bogadh isteach, beidh ort na nithe seo a thabhairt dóibh: 

• MPRN
• MIC (kVA)
• Seoladh nua

Beidh an t-eolas sin ag teastáil uathu lena chur in iúl dúinn go bhfuil sé ar intinn acu bogadh isteach agus chun clárú le Soláthraí Leictreachais.