An Beartas maidir le Naisc Sheasmhacha (ECP)*

Cad é an ECP?

Is é an próiseas faoin mBeartas maidir le Naisc Sheasmhacha (ECP) an bealach reatha ar féidir tionscadail teicneolaíochta a bhaineann le gineadóirí, stóráil agus seirbhísí córais eile a nascadh leis an gcóras leictreachais. An 25 Meán Fómhair 2024, d’fhoilsigh an Coimisiún um Rialáil Fóntas (CRU) cinneadh ar an mBeartas Nasctha Leictreachais – Giniúint agus Seirbhísí Córais (ECP-GSS), áit a leagtar síos an beartas maidir le tionscadail teicneolaíochta in-athnuaite ar tír nó thraidisiúnta a bhaineann le gineadóirí, stóráil agus seirbhísí córais eile a nascadh leis an gcóras leictreachais. Tá na hOibreoirí Córais ag obair leis an CRU ar na bearta a leagtar amach sa pháipéar cinnidh sin. Le tuilleadh faisnéise a fháil, féach an Páipéar Cinnidh ar an mBeartas Nasctha Leictreachais – Giniúint agus Seirbhísí Córais (CRU/2024101).

Mar a leagtar amach sa pháipéar cinnidh, osclófar baiscfhuinneog ECP-2.5 an 1 Deireadh Fómhair 2024 agus dúnfar an 30 Samhain 2024 í. Beidh sí nach mór mar an gcéanna le ECP-2.4, gan ach roinnt athruithe beaga déanta uirthi.

Le tuilleadh sonraí a fháil, féach Páipéar Cinnidh ECP‑2 (CRU/20/060), Sraith Rialacha ECP-2 agus Cinneadh ECP-2.4 (CRU202326).

ECP-2.5 catagóiriú iarratais

Faoi ECP 2.5, déantar iarratais le nascadh leis an eangach a chatagóiriú mar seo a leanas:

Catagóir	Cur Síos	Sprioclíon tairiscintí	Tosaíocht
A	A Tionscadail theicneolaíochta maidir le stóráil, giniúint agus seirbhísí córais eile (MEC>0.5MW)	70	An chéad 25 ceann ar na gineadóirí fuinnimh in-athnuaite is mó; an chuid eile don dáta is luaithe ó thaobh cead pleanála a fháil de; 10 gcinn stórála ar a mhéad (i gcás go bhfuil 100% den MEC le haghaidh stórála) agus tionscadail teicneolaíochta seirbhíse córas eile
B	Tionscadail bheaga (MEC>0.2MW agus ≤0.5MW), tionscadail thrialacha sheirbhísí córais DS3 (MEC≤0.5MW) agus Uatáirgeoirí	15	Dáta fála na foirme iarratais comhlánaithe is luaithe.
C	100% tionscadail fuinnimh in-athnuaite faoi úinéireacht an phobail (MEC≥0.5MW agus ≤5MW)	15	Dáta deonaithe an cheada pleanála agus ansin dáta fála na foirme iarratais comhlánaithe.

Faisnéis Iarratais agus Uirlisí

Eolas úsáideach agus uirlisí digiteach chun tú a threorú trí phróiseas ECP-2.

Ceisteanna coitianta

Céim 1 – Cuir eolas ar an bpróiseas

Le Tionscadal Fuinnimh In-Athnuaite faoi stiúir an Phobail a nascadh leis an líonra leictreachais, ní mór duit cloí leis na céimeanna atá leagtha amach i gCuid 3 den doiciméad darb ainm Na Rialacha le haghaidh Chéim 2 den Bheartas maidir le Naisc Sheasmhacha (ECP-2).

Tábhachtach: Léigh an doiciméad seo sula dtosóidh tú ar d'iarratas.

Rialacha ECP-2 PDF | 457 KB

Céim 2- Faigh Léarscáil Suirbhéireachta Ordanáis agus Plean Láithreáin

Faigh léarscáil 1:50,000 'Discovery Series' de chuid na Suirbhéireachta Ordanáis agus bíodh suíomh do ghineadóra nua agus teorainn an láithreáin marcáilte go soiléir le peann dearg uirthi.

Beidh plean mionsonraithe láithreáin de réir scála cuí ag teastáil uait chomh maith, ar a mbeidh idir shuíomh do ghineadóra nua agus teorainn an láithreáin marcáilte go soiléir le peann dearg.

Céim 3 - Déan Iarratas

Foirm Iarratais

Tá na foirmeacha iarratais maidir le gineadóirí nuashonraithe de réir Bheartas 2 maidir le Naisc Sheasmhacha, CRU/20/060. Le cur isteach ar bhaisc ECP-2.1, comhlánaigh an fhoirm iarratais is cuí:

Foirm Iarratais ar Nasc Gineadóra Nua (NC5):

Íoslódáil an fhoirm mar PDF | 603 KB

Foirm Iarratais ar Nasc Gineadóra Nua (NC5A):

Íoslódáil an fhoirm mar PDF | 527 KB

Tá sé mar aidhm ag na hOibreoirí Córais go n-eiseofaí 15 Thionscadal Fuinnimh faoi Stiúir an Phobail i ngach baisc de ECP-2.

Foirm Dhearbhaithe maidir le Tionscadal Fuinnimh faoi stiúir an Phobail

Éilítear ar an iarratasóir le haghaidh Tionscadal Fuinnimh faoi stiúir an Phobail foirm dhearbhaithe maidir le Tionscadal Fuinnimh faoi stiúir an Phobail a chomhlánú freisin, áit a ndeimhníonn sé go bhfuil an tionscadal ag teacht leis an sainmhíniú ar thionscadal fuinnimh in-athnuaite faoi stiúir an phobail:

Íoslódáil an Fhoirm mar PDF | 208 KB

Tabhair do d'aire: Ní mór gach doiciméad a bhaineann leis an iarratas a chur isteach i bhformáid leictreonach.

Cuir na comhaid tríd an ríomhphost chuig:

DSOgenerators@esb.ie

Táillí Iarratais

MIC & Raonta Toillte Giniúna AC Suiteáilte	A Toilleadh Éilimh (MIC)	B Toilleadh Giniúna Suiteáilte (Giniúint Neamh-Easpórtála san áireamh)	C Oibreacha Éadoimhne
Micrighiniúint*	€0	€0	€0
Mionghiniúint**	€0	€795	€0
Giniúint ar an Mionchóir***	€0	€995	€0
Gan Chlúdach os cionn ≤ 500 kW	€0	€1,888	€0
> 500kW ≤ 1 MW	€0	€10,722	€0
> 1 MW ≤ 2 MW	€7,560	€16,343	€0
> 2 MW ≤ 6 MW	€15,121	€21,964	€0
> 6 MW ≤ 10 MW	€26,145	€22,226	€22,226
> 10 MW ≤ 20 MW	€26,145	€40,094	€41,837
> 20 MW ≤ 100 MW	€42,978	€57,588	€47,938
> 100 MW	€58,852	€61,679	€54,539

Tábla 1 – Táillí Iarratais Tairisceana Naisc (gan CBL a áireamh) - 2025

Éileamh amháin: Táille = AMIC + CMIC – D

Giniúint amháin: Táille = BIGC + CIGC - D

Éileamh agus Giniúint: Táille = AMIC + BIGC + MAX [CIGC, CMIC] - D

Is éard is D ann ná suim na gcreidmheasanna as na réamhstaidéir féidearthachta agus réamhoibreacha atá fós ábhartha.

Is é an tOibreoir Córais ábhartha a chinnfidh D

*Tá an Mhicrighiniúint ceaptha oibriú i gcomhar leis an líonra leictreachais agus is éard atá ann ná foinse fuinnimh leictrigh atá rátáilte suas go dtí 25 aimpéar (≈6kVA), agus 25 aimpéar san áireamh, ag voltas íseal [230 volta], agus nasc aon phas i gceist, nó 16 aimpéar (≈11kVA) ag voltas íseal [230/400 volta], agus nasc trí phas i gceist.

**Tá an Mhionighiniúint ceaptha oibriú i gcomhar leis an ngréasán leictreachais agus is éard atá ann ná foinse fuinnimh leictrigh atá nasctha le hinbhéartóir, agus gach trealamh leictreach gaolmhar, ina bhfuil Toilleadh an Ghineadóra Suiteáilte níos lú ná an MIC, nó cothrom leis, agus é sa raon 25 aimpéar (6kVA) go 72 aimpéar (17kVA), agus nasc aon phas i gceist nó 16 aimpéar (11kVA) go 72 aimpéar (50kVA) agus nasc trí phas i gceist.

***Tá an Ghiniúint ar an Mionchóir ceaptha feidhmiú i gcomhar leis an líonra leictreachais. An sainmhíniú a thugtar uirthi ná foinse d’fhuinneamh leictreachais nasctha le hinbhéartóir agus an trealamh leictreachais go léir atá bainteach leis, nuair atá an Acmhainneacht Gineadóra Suiteáilte níos lú ná an MIC nó cothrom leis, agus é sa raon seo a leanas: Toilleadh Suiteáilte atá nasctha le hInbhéartóir níos mó ná 72amps (≈50kVA) agus trí phas i gceist agus suas le 200kVA, nó, Toilleadh Suiteáilte Sioncrónach níos mó ná 6kVA agus suas le 200kVA.

Táillí Mionathraithe

Leibhéal	Éarlais neamh-inaisíoctha tosaigh (gan CBL a áireamh)	Iarmhéid na táille (gan CBL a áireamh)	Iomlán na táille (gan CBL a áireamh)
Leibhéal 1	€1,046	€0	€1,046
Leibhéal 1.5	€1,046	€5,260	€6,306
Leibhéal 2	€1,046	€10,521	€11,567
Leibhéal 2.5	€1,046	€15,964	€17,010
Leibhéal 3	€1,046	€21,407	€22,453
Leibhéal 3.5	€1,046	€25,830	€26,876
Leibhéal 4	€1,046	€30,252	€31,298

Tábla 2 - Táillí Mionathraithe (gan CBL a áireamh)

Breathnaigh ar gach ceisteanna coitianta

Treoir céim ar chéim