An Comhlacht
Ról ESB Networks
Is é ESB Networks an t-oibreoir córais dáileacháin (DSO), an t-úinéir sócmhainní dáileacháin (DAO), agus an t-úinéir sócmhainní tarchurtha ar talamh (TAO) in Éirinn. Oibrímid chun freastal ar riachtanais gach uile chustaiméir leictreachais in Éirinn, beag beann ar an soláthraí atá acu, agus iad a nascadh leis an saol glan leictreach atá i ndán dúinn.
Mar TAO, is le ESB Networks an córas tarchurtha ardvoltais agus tá sé freagrach as é a thógáil agus a chothabháil de réir na gceanglas a leagann EirGrid síos, is é sin an t-oibreoir córais tarchurtha (TSO).
Mar DAO agus DSO, comhlíonaimid na feidhmeanna go léir a bhaineann leis an gcóras dáileacháin leictreachais, atá faoi úinéireacht againn chomh maith, lena n-áirítear bainistíocht sócmhainní, pleanáil, tógáil agus cothabháil an ghréasáin dáileacháin ardvoltais, meánvoltais agus ísealvoltais. Mar DAO agus DSO, oibrímid an líonra dáileacháin meánvoltais agus ísealvoltais.
Tuilleadh eolais
Líonra Cumhachta na hÉireann a Nascadh
- Tá os cionn 4,350 fostaí ag ESB Networks ar fud na tíre. Déanaimid an bonneagar leictreachais meánvoltais agus ísealvoltais a thógáil agus a oibriú, lena n-áirítear na stáisiúin dáileacháin, na línte lastuas, na cuaillí agus na cáblaí faoi thalamh.
- Cuirimid ár gcustaiméirí chun tosaigh i gcónaí, is cuma cén soláthraí leictreachais a úsáideann siad.
- Tá ár gcuid oibre maoinithe ag táillí 'úsáid an chórais' a ghearrann a soláthraithe leictreachais ar gach custaiméir. Tá na táillí seo ceadaithe ag an gCoimisiún um Rialáil Fóntas (CRU).
- Mar thacú le margaí iomaíocha leictreachais, éanaimid méadair a oibriú, a shuiteáil agus a chothabháil dár mbonn ollmhór custaiméirí, agus léimid suas le ceithre huaire sa bhliain iad. Déantar breis is 2 mhilliún méadar cliste a léamh go cianda gach lá anois.
- An todhchaí a chumhachtú – táimid tiomanta don saol ísealcharbóin, a bheidh cumhachtaithe ag foinsí in-athnuaite fuinnimh, ar nós feirmeacha gaoithe.
Príomhfhíricí
184,000 km, fad iomlán na línte lastuas agus na gcáblaí faoi thalamh atá á mbainistiú ag ESB Networks le haghaidh dáilte.
Nascamar 43,471 custaiméir nua (baile agus tráchtála) i 2025, rud a fhágann go bhfuil 2.5 million custaiméir san iomlán nasctha anois.
2m méadar cliste suiteáilte ar fud na hÉireann anois, rochtain a chur ar fáil dp chustaiméirí ar fhaisnéis faoína n-úsáid leictreachais.
Rannpháirtíocht páirtithe leasmhara agus an phobail Published
Anseo in ESB Networks, táimid ag nascadh custaiméirí le líonra cumhachta na hÉireann leis na blianta. Táimid ag déanamh naisc nua agus ag tógáil líonra atá níos láidre ná riamh chomh maith ionas gur féidir linn go léir ár gcion féin a dhéanamh ar son an phláinéid.
Tús áite a thabhairt do riachtanais ár gcuid custaiméirí.
Eolas do chustaiméirí
Príomhthosaíocht do ESB Networks is ea tacú le riachtanais ár gcustaiméirí. Tá tiomantas ar leith againn riachtanais na gcustaiméirí is leochailí atá againn a chur chun tosaigh. Tá sé sin léirithe inár 12 Ráthaíocht Seirbhíse atá tugtha i gCairt Chustaiméirí ESB Networks.