I gcás éigeandála:
glaoigh ar 1800 372 999
Comhthéacs
Nuair a dearadh líonra leictreachais na hÉireann i dtosach báire, ré eile ar fad a bhí ann. Rinneadh tithe a théamh le tine agus ola, bhí dóchán ag teastáil le haghaidh iompair, agus bhíothas in ann a thuar go mbeadh an buaicéileamh ann idir tráthnóna, nuair a bheadh daoine ag filleadh ar an mbaile, agus 7pm.
Sa lá atá inniu ann, agus fás ag teacht ar an líon feithiclí leictreacha, tithe, caidéal teasa, daoine a bhíonn ag obair ón mbaile agus ionad sonraí, tá an t-éileamh ag athrú ar bhonn níos tapúla ná riamh. De réir mar a ghluaiseann Éire i dtreo Glan-Nialais, teastaíonn cur chuige nua uainn chun an leictreachas glan atá de dhíth orainn a ghiniúint agus a sheachadadh, gan bonneagar costasach a thógáil a thógfadh blianta le tabhairt chun feidhmiúlachta.
Dúshlán
Déanann líonraí fuinnimh traidisiúnta cumhacht a sheachadadh in aon treo amháin: ó ghineadóirí móra a dhéanann aschur seasta chuig an eangach, agus as sin chuig tithe, feirmeacha agus gnólachtaí. Cuireann an cur chuige intuartha sin le slándáil, ach níl sé oiriúnach d'fhuinneamh in-athnuaite an lae inniu.
I gcás tionscadal móra in-athnuaite, cruthaíonn an cur chuige seasta constaicí móra. De ghnáth, cuireann rialacháin sábháilteachta teorainn 19 MW ar thionscadail, rud a chiallaíonn go gcailleann Éire acmhainneacht fuinnimh ghlan féideartha.
Ghlacfadh sé na blianta tionscadal mar sin a thógáil
"Go stairiúil, dá mbeadh gineadóir mór in-athnuaite ag iarraidh tionscadal den scála seo a fhorbairt, bheadh orthu mórobair thógála a dhéanamh, nó an méid fuinnimh is féidir leis an ngineadóir a chur leis an líonra a laghdú." Ghlacfadh sé na blianta tionscadal mar sin a thógáil agus chosnódh sé go leor airgid, rud a d'fhágfadh go mbeadh an-dua ag baint leis mura mbeadh sé inmharthana ó thaobh an gheilleagair de."
Paddy Mulvey, Bainisteoir Oibríochtaí Solúbthachta ESB Networks
Réiteach
Thacaigh ESB Networks le Statkraft agus iad ag triail an mhúnla nasc solúbtha. D'fhág sé seo go rabhthas in ann feirm gréine 21 MW a fhorbairt i dTiobraid Árann le rochtain ar an eangach atá níos tapúla agus níos éifeachtaí ó thaobh costais de, seachas 19 MW d’acmhainn dhocht a sheachadadh.
Fágann an tsolúbthacht gur féidir leis an eangach soláthar agus éileamh a choigeartú ag tráthanna tábhachtacha. Chuige seo, d’fhéadfaí iarraidh ar chustaiméirí úsáid a laghdú le linn tréimhsí ard-éilimh. Rud eile a d'fhéadfaí a dhéanamh ná iarraidh ar ghineadóirí móra an easpórtáil leictreachais a dhéanann siad a choigeartú chun ualach an líonra a chothromú agus an líonra a chosaint. Sin an chaoi a n-oibríonn feirm ghaoithe Thiobraid Árann.
Cuireann an réiteach nuálach seo ar chumas Statkraft 19 MW de 'acmhainn dhocht' a onnmhairiú móide 2 MW breise nuair a cheadaíonn an eangach é sin go sábháilte. Mar eisceacht, iarrfar ar an ngineadóir 19 MW a easpórtáil chuig an eangach, ach le linn gnáthchoinníollacha oibriúcháin is féidir leis an ngineadóir a acmhainn dhocht agus solúbtha de 21 MW a easpórtáil. Fágann sé sin nach mbíonn gá le móroibreacha tógála, rud a laghdaíonn costais agus rioscaí rólódála.
Ó cuireadh an tionscadal i bhfeidhm, tá léirithe ag an tsamhail sholúbtha cén chaoi a n-athródh an tsolúbthacht tírdhreach fuinnimh na hÉireann ó bhonn.
Tionchar
- Cumas breise: Tá 463 MWhr (meigeavata-uair) breise de chumas fuinnimh ghlan seachadta—go leor chun cumhacht a thabhairt do thart ar 79 teach in Éirinn ar feadh bliana.
- Laghdú carbóin: Is ionann an acmhainn bhreise agus fritháireamh de thart ar 75 tonna CO2 i gcomparáid le hastaíochtaí leictreachais iomlána na hÉireann.
- Cuir i bhfeidhm níos tapúla: Sheachain an tionscadal blianta de mhórbair thógála, rud a d'fhág gur tugadh fuinneamh glan ar líne ar bhonn i bhfad níos tapúla.
- Inmharthanacht eacnamaíoch: Mar thoradh air seo, éiríonn tionscadail in-athnuaite ar an scála mór níos tarraingtí don infheistíocht nuair nach mbíonn sé den riachtanas bonneagar costasach a fhorbairt dóibh.
- Aistriú luathaithe: Is féidir le tionscadail fuinnimh ghlan ceangal leis an eangach ar bhonn níos tapúla, rud a fhágann go dtarlóidh an t-aistriú chuig Glan-Nialas in Éirinn ar bhonn níos tapúla freisin.
- Cur chuige inscálaithe: Is féidir an tsamhail sholúbtha a chur i bhfeidhm ar thionscadail in-athnuaite eile amach anseo ar fud na hÉireann. Cuirfidh sé seo níos mó acmhainne ar fáil maidir le fuinneamh glas.
An bhfuil tú réidh le réitigh sholúbthachta a fhiosrú do do thionscadal fuinnimh in-athnuaite?
Cruthaíonn an chomhpháirtíocht seo gur féidir le nuálaíocht agus comhoibriú na srianta traidisiúnta a bhí ann ó thaobh bonneagair de a shárú, agus cruthaíonn sé sin cosán praiticiúil, cumhachtach do thodhchaí le leictreachas glan in Éireann.