I gcás éigeandála:
glaoigh ar 1800 372 999
Céard is ‘Beir Bua ar an mBuaic’ ann?
Thug ESB Networks isteach an clár ‘Beir Bua ar an mBuaic’ in 2022 mar chuid den chlár Líonra Náisiúnta, Naisc Áitiúla. Is é atá sa chlár Beir Bua ar an mBuaic meascán de thionscnaimh le go mbeifear in ann fuinneamh a úsáid in áiteanna cónaithe agus i ngnólachtaí ar amanna a mbíonn soláthar níos glaine ann seachas amanna a gcuirtear an líonra faoi bhrú.
Beir Bua ar an mBuaic (Custaiméirí tí)
Seo deis le heolas a chur ar an bhfeachtas is úire uainn agus clárú air – deis duit eolas a fháil ar na modhanna agus na huaireanta is fearr leis an bhfuinneamh a úsáid i gcaitheamh an lae. Tá sé seo ar fáil do gach custaiméir, is cuma cén soláthraí leictreachais atá agat.
Beir Bua ar an mBuaic (Custaiméirí gnó)
Seo deis tuilleadh eolais a fháil agus clárú le haghaidh na scéime – féadfaidh úsáideoirí incháilithe tráchtála leictreachais íocaíocht a fháil as a n‑éileamh ar an leictreachas a laghdú le linn na tréimhse seirbhíse ar laethanta gnó.
Cluiche 'Beir Bua ar an mBuaic'
Cluiche spraíúil, idirghníomhach is ea Beir Bua ar an mBuaic a chabhraíonn le húsáideoirí tuiscint a fháil ar na bealaí ar féidir leo níos lú leictreachais a úsáid i rith na mbuaicuaireanta (5–7pm). Ach fearais tí a úsáid taobh amuigh de na buaicuaireanta sin, is féidir le himreoirí pointí a thuilleamh agus dul in airde ar chlár na gcinnirí. Tá sé ina chuid den chlár "An Am Maith é Seo?", a spreagann daoine le bheith níos eolasaí maidir leis an leictreachas a úsáideann siad.