I gcás éigeandála:
glaoigh ar 1800 372 999
An cumas chun méadair chliste in áitribh fholmha a lascadh go cianda
Tá feidhmeanna nua ag méadair chliste ó bhí Eanáir 2025 ann. Éascaíonn sé seo cumas cianlasctha na méadar cliste agus ní cheadaítear é a úsáid ach amháin don tseirbhís seo a leanas do chustaiméirí ar threoir ó sholáthraithe leictreachais. Ag áitribh fholmha ina bhfuil méadar cliste, déanfar an dínascadh agus an t-athnascadh a phróiseáil go cianda agus gan gá le hinnealtóir dul chuig an áitreabh. Bhíodh ar theicneoir líonra cuairt a thabhairt ar an áitreabh leis an tseirbhís seo a sholáthar go dtí seo. De thoradh an chumais nua sin, is féidir linn amanna athnasctha a fheabhsú agus costais a laghdú do chustaiméirí a bhogann isteach in áitreabh folamh.
Bogadh isteach in áitreabh atá folamh
Agus custaiméir tar éis bogadh amach as foirgneamh agus an cuntas soláthair leictreachais a dhúnadh, is féidir an foirgneamh folamh a dhínascadh nuair a fhaightear treoir ón soláthraí leictreachais go dtí go mbíonn custaiméir nua réidh le bogadh isteach ann. Bhíodh ar theicneoir líonra cuairt a thabhairt ar an áitreabh leis an tseirbhís seo a sholáthar go dtí seo. De thoradh an chumais nua déanfar amanna athnasctha a fheabhsú agus costais a laghdú do chustaiméirí a bhogann isteach in áitreabh folamh.
Ceisteanna coitianta faoi bhogadh isteach
Táim ag bogadh isteach in áitreabh nua, conas a athnascfaidh mé mo sholáthar leictreachais?
Nuair a bheidh conradh soláthair leictreachais socraithe agat, próiseálfaidh do sholáthraí leictreachais an t-athnascadh ar do shon.
Ba cheart do chustaiméirí glacadh leis go bhfuil nasc an áitribh BEO agus é dínasctha mar is féidir go gcuirfear an soláthar leictreachais ar siúl arís go cianda ag am ar bith.
Is go cianda a dhéanfar an t-athnascadh an chuid is mó den am. Beidh ar theicneoir ó ESB Networks teacht chuig an áitreabh uaireanta.
An gcuirfear ar an eolas mé nuair a bheidh an soláthar leictreachais ceangailte arís?
Más rud é go bhfuil d’uimhir fóin póca curtha ar fáil agat, gheobhaidh tú teachtaireacht téacs ó ESB Networks le tú a chur ar an eolas nuair a bheidh an soláthar ceangailte arís.