Foireann ceannaireachta ESB Networks
Foireann ceannaireachta ESB Networks
Caitheann an fhoireann ceannaireachta dúthracht le líonra leictreachais sábháilte, iontaofa agus athléimneach a sholáthar agus aistriú na hÉireann go saol glan leictreach a chumasú i gcomhréir leis an Straitéis 'Líonraí i dTreo na Neodrachta’ atá againn. Is féidir tuilleadh eolais a fháil faoin bhfoireann ceannaireachta thíos.
Róil agus freagrachtaí
Stiúrthóir Bainistíochta
Déanann Nicholas maoirseacht ar oibríochtaí laethúla agus ar straitéis fhadtéarmach ESB Networks.
Ceann um Athléimneacht Líonra agus Oiriúnú Aeráide
Glactar ceannas sa ról seo ar athléimneacht líonra leictreachais na hÉireann a fheabhsú i bhfianaise an athraithe aeráide agus drochaimsire.
Ceann Airgeadais
Déanann an Ceann Airgeadais in ESB Networks maoirseacht ar straitéis, pleanáil, tuairisciú agus ar bhainistíocht riosca airgeadais, ar mhaithe le comhlíonadh rialála a chinntiú agus tacú le cinnteoireacht straitéiseach chun feidhmíocht airgeadais agus éifeachtúlacht oibríochtúil a chur chun cinn.
Ceann um Chumas Daoine agus Eagraíochta
Tá an Ceann um Chumas Daoine agus Eagraíochta in ESB Networks i gceannas ar na foirne cumasaithe daoine agus cultúir lena chinntiú go bhfuil an acmhainn, an cumas agus an saineolas teicniúil ag an lucht saothair chun obair go sábháilte, éifeachtach agus éifeachtúil i gcultúr atá bunaithe ar luachanna. Déantar bainistiú sa ról seo ar na príomhfheidhmeanna Acmhainní Daonna, Sábháilteachta agus Oiliúna Teicniúla.
Ceann um Margaí Dáileacháin agus Oibriú Córais
Glactar ceannas sa ról seo ar fhorbairt agus ar chur i bhfeidhm struchtúr eagraíochtúil DMSO (Margaí Dáileacháin agus Oibriú Córais), ina gcuimsítear roinnt feidhmeanna a bhí ar leithligh roimhe seo chun cur chuige aontaithe a chruthú maidir le córas dáileacháin leictreachais na hÉireann a bhainistiú agus muid ag aistriú chuig córas fuinnimh ard-inathnuaite ísealcharbóin a gcuirtear custaiméirí ina cheartlár, agus sármhaitheas oibríochtúil á baint amach agus seasmhacht an tsoláthair á cinntiú ag an am céanna.
Ceann um Chustaiméirí agus Seachadadh Tionscadal (Thuaidh)
Glactar freagracht sa ról seo as maoirseacht a dhéanamh ar oibriú, cothabháil agus forbairt an líonra dáileacháin leictreachais ar fud leath thuaidh na hÉireann.
Baineann an ról seo freisin le bainistiú an bhonneagair tarchuir thar ceann ESB ar fud leath thuaidh na hÉireann.
Ceann um Sheirbhísí Seachadta Líonraí
Glactar ceannas sa ról seo ar sheirbhísí ríthábhachtacha a sheachadadh a thacaíonn le bonneagar líonra leictreachais na hÉireann. Is iad Soláthar, Slabhra Soláthair, Flít agus Trealamh, Maoin, Tacaíocht Ghnó, Tacaíocht Dhigiteach agus Próisis na príomhfheidhmeanna atá ag Seirbhísí Seachadta Líonra.
Ceann um Sheachadadh Clár Líonraí
Glactar ceannas sa ról seo ar an mbainistíocht straitéiseach clár ar chláir bhonneagair agus bhunathraithe ar mhórscála a thacaíonn leis an líonra leictreachais in Éirinn, a bhíonn ag athrú de shíor.
Ceann um Fhorbairt Straitéise agus Líonra
Glactar ceannas sa ról seo ar straitéis agus ar fhorbairt líonra ESB Networks, cuirtear nuálaíocht agus pleanáil fhadtéarmach chun cinn chun córas leictreachais cliste inbhuanaithe a chumasú atá ar aon dul le spriocanna aeráide agus fuinnimh na hÉireann.
Ceann um Chustaiméirí, Bunathraithe agus Digiteach
Glactar freagracht sa ról seo as sármhaitheas do Chustaiméirí a bhaint amach in ESB Networks, trí sheirbhís thráthúil, thrédhearcach agus ardchaighdeáin a chinntiú do chách, go háirithe agus naisc nua á ndéanamh agus gearrthacha cumhachta ann. Glactar freagracht sa ról seo freisin as comhtháthú straitéiseach cumais dhigitigh, sonraí, TF agus teileachumarsáide a chur chun cinn ar fud ESB Networks. Baineann sainordú leis sin chun tacú le bunathrú príomhchumais gnó, chun éifeachtacht eagraíochtúil a fheabhsú, luach buan a bhaint amach do chustaiméirí agus chun aistriú fuinnimh na hÉireann a chumasú.
Ceann um Chustaiméirí agus Seachadadh Tionscadal (Theas)
Glactar freagracht sa ról seo as maoirseacht a dhéanamh ar oibriú, cothabháil agus forbairt an líonra dáileacháin leictreachais ar fud leath theas na hÉireann.
Baineann an ról seo freisin le bainistiú an bhonneagair tarchuir thar ceann ESB ar fud leath theas na hÉireann.