Micrighiniúint

Úsáidtear an téarma ‘grianphainéal’ go minic go hidirmhalartach chun tagairt a dhéanamh do na painéil a ghineann leictreachas agus dóibh siúd a ghineann uisce te.

• Modúil fhótavoltacha a thugtar ar ghrianphainéil a ghineann leictreachas. Gineann na painéil seo leictreachas agus iad faoi sholas. Is éard is Fótavoltachas Gréine ann ná an trealamh gréine dín a bhíonn le feiceáil ar thithe cónaithe agus ar ghnólachtaí.
• Maidir leis na grianphainéil a ghineann uisce te, tugtar ceapadóirí grianfhuinnimh orthu sin.

Tá an deontas don ghrianfhuinneamh ar fáil ó Údarás Fuinnimh Inmharthana na hÉireann le haghaidh grianphainéil i dtithe cónaithe agus córais stórála fuinnimh i gceallraí.

Is éard a bhíonn mar chuid de chóras fótavoltach gréine ná méid áirithe painéil ghréine feistithe den díon (nó sa gharraí) a úsáideann inbhéartóir comhéadain chun nascadh leis na luchtanna leictreacha san fhoirgneamh.

An mheánmhéid de chóras fótavoltach gréine a shuiteáiltear i ngnáth-theach 3 leaba ná thart ar 2.1kWp (thart ar 7 bpainéal). Mar sin féin, agus tú ag obair ar mhéid a shocrú agus córas fótavoltach gréine a cheannach don teach, ba cheart duit na nithe seo a chur san áireamh:

• An méid leictreachais a úsáideann tú i do theach
• Am den lá a bhíonn tú sa bhaile
• Treoshuíomh an dín - an treoshuíomh is oiriúnaí lena ngintear an méid is mó leictreachais ná díon a bhfuil a aghaidh ó dheas. Mar sin féin, má bhíonn díon maith ann agus gan aon scáthú air, d’fhéadfaí éirí go breá leis.
• Riocht an dín - Meastar go maireann painéil ghréine os cionn 20 bliain. Má shuiteáiltear painéil ghréine ar an díon ag do theach, ba ghá de ghnáth breis tacaíochtaí adhmaid dín a shuiteáil agus chuirfí córas feistithe na bpainéal gréine orthu sin. Ba cheart measúnú a fháil ar riocht an dín sula gceannófá an córas fótavoltach gréine.
• Pleanáil - go ginearálta, ní bheidh cead pleanála ag teastáil i gcás painéil ghréine a chlúdóidh níos lú ná 50% den díon (córas 6 phainéal nó mar sin).

Níl scéimeanna íocaíochta as easpórtálacha á dtairiscint faoi láthair (do chustaiméirí nua) ag aon cheann de na soláthraithe fuinnimh in Éirinn. Tá sé i gceist ag an rialtas scéim tacaíochta a thabhairt isteach in 2021, áfach. Thabharfadh an scéim sin deis do chustaiméirí íocaíocht a fháil as an leictreachas a ghineann an micrighineadóir agus a easpórtáiltear ón teach chun an líonra.

I ngnáth-theach in Éirinn, meastar go n-úsáidfí 80% den fhuinneamh a ghinfí ó chóras fótavoltach gréine 2kW ar an láthair féin. Má úsáidtear teicneolaíocht shimplí, atreodóir don uisce, mar shampla, is féidir an leictreachas ‘breise’ a úsáid chun an t-uisce sa teach a théamh agus an úsáid fuinnimh a threorú i dtreo 100%. I gcás suiteálacha atá níos mó, d’fhéadfadh taisc-chadhnraí a bheith ina réiteach oiriúnach don leictreachas breise.

Ní dhéanann ESB Networks Córas Grianphainéal Fótavoltach a shuiteáil ná a mhiondíol. Beidh sé sin ag brath ar an leibhéal den chumhacht fhótavoltach ó ghrianphainéil a ghinfear agus ar an soláthraí agus suiteálaí leictreachais atá roghnaithe agat.

Tá sé sin ag brath ar chúinsí éagsúla amhail treo agus inrochtaineacht an dín, chomh mór is atá an córas fótavoltach gréine, áit a bhfuil tú sa tír agus an méid a íocann tú as do leictreachas faoi láthair.

Tá deontais ar fáil mar thacaíocht chun painéil fhótavoltacha ghréine agus córais stórála fuinnimh i gceallraí a shuiteáil. Úsáidtear córais stórála fuinnimh i gceallraí le haghaidh córais fhótavoltacha ghréine atá níos mó, ionas gur féidir aon leictreachas breise a ghintear le linn uaireanta ann lae a úsáid ag am eile.

Le tuilleadh eolais a fháil:

Deontas Grianchumhachta

Deontais Tithíochta