It appears JavaScript is disabled. To get the most out of the website we recommend enabling JavaScript in your browser.
Úsáidtear fianáin ar an láithreán gréasáin seo, trí leanúint ar aghaidh aontaíonn tú lena n-úsáid. Tá tuilleadh eolais faoi fhianáin agus faoi cén chaoi iad a bhainistiú le fáil ar ár leathanach Príobháideachas. Dún
ACS
Is muidne ESB Networks. Déanaimid cinnte de go seachadtar leictreachas chuig tithe agus gnóthais na 2.3 milliún custaiméir atá againn ar bhealach slán, éifeachtúil. Tá breis is €6 billiún infheistithe againn sa líonra leictreachais le 10 mbliana anuas lena chinntiú gur féidir brath air agus go gcuireann sé ar chumas pobal agus gnóthas in Éirinn fás agus forbairt.
Cuirimid réimse leathan seirbhísí ar fáil dár gcustaiméirí, agus ní mór do gach duine acu a bheith cláraithe le soláthraí leictreachais. Gach bliain déanaimid níos mó ná 9 milliún léamh méadair agus tugaimid na torthaí do do sholáthraí lena chinntiú go dtabharfar bille ceart duit. Cuirimid réimse seirbhísí teicniúla ar fáil freisin mar an cumhacht a athsholáthar nuair a tharlaíonn fabhtanna sa líonra, mar shampla, de thoradh stoirmeacha. Déanaimid athruithe ar na línte leictreachais nuair a iarann an custaiméir é sin orainn, agus athraímid ár seirbhís nuair a iarann na soláthraithe orainn iad a dhéanamh. Ní mór íoc as cuid de na seirbhísí sin, áfach.
Cibé an custaiméir baile nó custaiméir tráchtála thú, cuirfimid an nasc nua leictreachais ar fáil is fearr a oirfidh do do riachtanais.
Tugaimid tús áite do do shábháilteacht. Foinse chumhachtach fuinnimh é leictreachas, ach is féidir leis a bheith contúirteach. Lean ár dtreoirlínte sábháilteachta i gcónaí. Lena chinntiú go mbeidh tú sábháilte fan glan amach ó shreanga leictreachais lasnairde agus faoi thalamh agus ó shreanga leictreachais atá tar éis titim. Bí ag faire amach do shreanga leictreachais i gcónaí nuair a bhíonn tú lasmuigh. ‘Fan slán, fan amach’. I gcásanna éigeandála glaoigh 1850 372 999.
Tugaimid tús áite do ghníomhú go freagrach i ngach gné dár ngnó.
Fabhtanna/Cásanna Éigeandála (Seirbhís 24 uair/7 lá): Glaoigh ar 1850 372 999 nó +353 21 2382410 taobh amuigh de Phoblacht na hÉireann
Conas is féidir liom gearán a chlárú?
Féadfaidh tú go ghearán a chlárú linn ar na bealaí seo a leanas:
Bíodh d'Uimhir MPRN agat, le do thoil, nuair a ghlaonn tú orainn. Tabhair an oiread faisnéise ábhartha dúinn agus is féidir mar cabhróidh sí sin linn déileáil le do ghearán.
Déanfaidh ár Lárionad Náisiúnta Cúraim Custaiméirí gach iarracht an fhadhb a réiteach. Más rud é nach féidir é a réiteach ar an toirt, seolfar do ghearán ar aghaidh chuig an rannóg chuí agus socróidh siad go ndéanfar teagmháil leat laistigh de 10 lá oibre. Aiseolas, inis dúinn cad a mheasann tú trí chliceáil anseo.
Más rud é nach bhfuil tú sásta leis an bhfreagra ar do ghearán nó ar an gcaoi ar láimhseáladh é is féidir leat dul i dteagmháil leis an bhFoireann Cúraim Custaiméirí, An Coimisiún um Rialáil Fuinnimh (CRF) chun cinneadh a fháil uathu.
Tabharfaimid uimhir thagartha gearáin duit ar féidir leat í a lua leis an CRF.
Sonraí teagmhála CRF:
An Coimisiún um Rialáil Fuinnimh (CRF),
An Malartán, Cearnóg Belgard Thuaidh, Tamhlacht, Éire
Ar líne: www.energycustomers.ie
Ríomhphost: energycustomers@cer.ie
Guthán: 01 400 0800