Forbairt nua ilaonad a nascadh

Teastóidh uait léarscáil ón tSuirbhéireacht Ordanáis (scála 1:2500-1:10560), ar a léirítear suíomh na forbartha. Marcáil le peann dearg an suíomh cruinn atá le nascadh. Beidh plean láithreáin (1:100-1:500) ar a léirítear an fhorbairt nua ag teastáil uait freisin. Ba chóir go mbeadh an tógálaí nó an t-ailtire in ann an dá rud sin a chur ar fáil. Seol iad sin ar aghaidh san fhormáid cheart (mar atá sonraithe ar an bhfoirm iarratais) chuig developmentmaps@esb.ie. 

Glactar le fótachóipeanna. Beidh litir ón Údarás Áitiúil ag teastáil freisin ina ndeimhnítear ainm críochnaitheach na forbartha.

Íoslódáil an Fhoirm Iarratais maidir le Forbairt Ilaonad (NC1) (PDF | 360 KB) nó cuir glao ar 1850 372 757 nó ar +353 21 2386555 le cóip a iarraidh

Seol an fhoirm iarratais (mar aon leis na doiciméid riachtanacha) chuig:

ESB Networks CGA.

Oifig na Seirbhísí Custaiméara

Bosca PO 29

Carraig an Chaisleáin

Baile Átha Luain

Co. na hIarmhí

Éire

 

Nuair a bheidh d’iarratas comhlánaithe faighte againn, déanfar do shonraí a iontráil inár gcóras. Cuirfimid na hainmneacha sráide don fhorbairt bheartaithe isteach inár mbunachar sonraí seoltaí freisin. Gheobhaidh tú admháil ansin ina mbeidh uimhir thagartha ar féidir leat í a úsáid má bhíonn ceist ar bith agat.

Seolfar do chuid doiciméad chuig dearthóir in oifig áitiúil ESB Networks, ​Déan Teagmháil Linn. Tabharfaidh an oifig sin meastachán agus Comhaontú Forbartha duit. Féach Táillí ESB Networks (PDF | 308 KB) le liosta a fháil de na táillí uile.

Comhaontú Forbartha

Cuimsítear leis an gcomhaontú sin:

• Na téarmaí faoina soláthróidh ESB Networks nasc leictreachais do gach aonad.
• Breac-chuntas ar na costais i gceist.
• Doiciméadúchán maidir le láithreán a fháil don fhostáisiún (más gá).
• Sceideal d’Uimhreacha Tagartha Méadarphointe (MPRN) agus an Uasacmhainn Iompórtála (MIC) do gach aonad.
• Grúpa DUoS (Úsáid Dáileacháin an Chórais) do gach MPRN. Tá an grúpa seo ar cheann de na gnéithe a úsáidtear chun na táillí córais a ghearrann ESB Networks ar sholáthraithe leictreachais don nasc sin a ríomh ar bhonn leanúnach.

Tabhair do d'aire:Ní féidir le ESB Networks meastachán a thabhair ná forbairt a nascadh gan uimhir MPRN uathúil a shannadh do gach aonad.  

Déan íocaíocht agus seol cóip shínithe den Chomhaontú Forbartha ar ais chuig:

​

Rannóg na gCuntas Infhála

ESB Networks CGA.

Bóthar an tSáirséalaigh

SAORPHOST

Uimh. an Ceadúnais FCK 724

Wilton

Corcaigh

Éire

​

Scaoilfear an jab le haghaidh údaraithe ansin. Cuirfidh sé sin ar ár gcumas tús a chur leis an mbonneagar leictreachais a thógáil.

​

Táille pionóis i gcás athruithe

Gearrfar táille bhreise má dhéantar ceann ar bith de na sonraí seo a athrú tar éis an Comhaontú Forbartha a shíniú. Dá bhrí sin, ba cheart duit a chinntiú go bhfuil an fhaisnéis uile i leith uimhreacha, seoltaí agus riachtanais lóid chomh cruinn agus is féidir.

Ní mór an obair ullmhúcháin a dhéanamh anois, amhail duchtú a chur isteach agus plionta nó foirgneamh a chur ar fáil le haghaidh an fhostáisiúin. Ní mór an obair sin a dhéanamh de réir shonraíochtaí ESB Networks. Nuair a bheidh an obair ar fad déanta, glaoigh orainn ag 1850 372 757 nó +353 21 2386555 lena rá linn. Léigh tuilleadh faoi fhostáisiúin a thógáil agus faoi  shonraíocht duchtaithe (PDF | 5 MB).

Nuair a bheidh an obair ullmhúcháin curtha i gcrích agus caighdeán sásúil ann, cuirfimid tús leis na cáblaí/línte leictreachais agus aon trealamh eile is gá a chur isteach.

Tabhair faoi deara nach mór don chonraitheoir leictreachais cláraithe atá ag deimhniú an tsreangaithe leictreachais ar an áitreabh an deimhniú sreangaithe a sheoladh chuig a c(h)omhlacht rialála freisin agus d’uimhir MPRN agus do sheoladh a lua sular féidir do nasc chur i gcrích.

Is féidir an nasc nua a chur i gcrích nuair a bheidh an obair bhonneagair ar fad déanta agus nuair a bheidh na riachtanais thuas ar fad comhlíonta. Is é do chonraitheoir leictreachais a bheidh freagrach as an gcumhacht a chur ar siúl i d’áitreabh nua.

Is ar bhonn an Chomhaontaithe Forbartha a nascfar úinéir/áititheoir nua gach aonaid leis an líonra leictreachais freisin.

Nuair a thosóidh úinéirí/áititheoirí ag bogadh isteach ina n-aonad, ní mór an fhaisnéis seo a leanas a thabhairt dóibh:

• MPRN
• MIC (kVA)
• An seoladh nua

Beidh an fhaisnéis sin ag teastáil uathu le cur in iúl dúinn go bhfuil sé i gceist acu bogadh isteach, agus le clárú le Soláthraí Leictreachais.