Iontaofacht an líonra a mhéadú

Tá iontaofacht an líonra feabhsaithe go mór againn trínár Líonra Cliste a thógáil, rud ba chúis le laghdú 42% ar bhristeacha cumhachta in 2014. Tá breis is €6 billiún infheistithe againn le Líonra Leictreachais na hÉireann a neartú agus a uasghrádú le 10 mbliana anuas. Leanaimid de líonra níos cliste a rolladh amach agus de scoth na dtáirgí líonra féinslánaithe a dháileadh.

An córas dáileacháin leictreachais

Tá i gceist leis an gcóras dáileacháin leictreachais na stáisiúin dáileacháin, na línte leictreachais lastuas, na cuaillí agus na cáblaí faoi thalamh a úsáidtear le cumhacht a thabhairt chun na 2.3 milliún custaiméir, idir chustaiméirí tí, tráchtála agus tionsclaíocha, atá ann in Éirinn.

An margadh iomaíoch leictreachais

Déanaimid éascaíocht ar an margadh iomaíoch leictreachais. Mar oibritheoir na méadar, déanaimid méadair 2.3 milliún custaiméir leictreachais a fheistiú, a chothabháil agus a léamh suas le ceithre huaire sa bhliain agus cuirimid an t-eolas sin ar fáil do sholáthraithe.

Cumhacht don todhchaí

Tá an córas dáileacháin á athchóiriú d’fhonn fuinneamh ar bheag-astú carbóin a sholáthar amach anseo, rud atá ag teacht leis an ngealltanas a thug Éire gur ó fhoinsí in-athnuaite a thiocfadh 40% dá cuid leictreachais faoin mbliain 2020. B’ionann acmhainn iomlán na bhfeirmeacha gaoithe a bhí nasctha leis an líonra amhail ag deireadh mhí an Mheithimh, 2015 agus 2,372 MW.